«Արսենալ» ֆուտբոլային ակումբ, պրոֆեսիոնալ ֆուտբոլային ակումբ է, որը հանդես է գալիս անգլիական Պրոմիեր Լիգայում, հիմնված Լոնդոնի հյուսիսում: Լինելով ամենահաջողված անգլիական թիմերից մեկը, նրանք հաղթել են 13 Առաջին Դիվիզիոնի և Պրեմիեր Լիգայի տիտղոսներ և 10 Անգլիայի գավաթ: «Արսենալը» Պրեմիեր Լիգայի միակ թիմն է, որն անց է կացրել մի ամբողջ սեզոն առանց պարտության: «Արսենալը» աշխարհում երրորդ ֆուտբոլային ակումբն է իր արժեքով` 1.2 միլիարդ ԱՄՆ դոլլար:
«Արսենալ» ֆուտբոլային ակումբը հիմնադրվել է 1886 թ.-ին Լոնդոնի հարավ արևելքում «Ռոյալ Արսենալ» հրետանային գործարանի աշխատողների կողմից:Սկզբում ակումբը անվանվել է «Դայալ Սկուեր»(գործարնի աշխատողներից մեկի անունով): Իր առաջին հանդիպումը Արսենալը անցկացրել է 1886 թ.-ի դեկտեմբերի 11-ին «Արևելյան Ուենդերս» թիմի հետ, որտեղ կանոնիրները հաղթեցին 6:0 հաշվով:Սուրբ Ծննդից 2 շաբաթ անց կազմակերպվեց խաղացողների հանդիպում, որտեղ որոշվեց թմի անունը վերանվանել «Ռոյալ Արսենալ», ինչպես նաև ընտրվեց խաղերը անցկացնելու վայրը և խաղացողների համազգեստը:Կարմիր գույնը ընտրվում է «Նոտինգհեմի» նախկին ֆուտբոլիստ Ֆրեդ Բիրդսլի կողմից:
Երբ թիմը 1891 ստացավ պրոֆեսիոնալ ակումբի կարգվիճակ, ակումբի անունը վերանվանվեց «Վուլվիչ Արսենալ»: Ակումբը մասնակցում էր երկրորդ դիվիզիոնում և միայն 1904 թ.-ին այն մասնակցում է առաջին դիվիզոնում:Սակայն աշխարագրական հեռավորությունը պատճառ է հանդիսանում խաղերի ցածր հաճախականությանը,իսկ դա հանգեցնում է ֆինանսական ծանր վիճակի: 1913 թ.-ին (ակումբի 2-րդ դիվիզիոն վերադառնալուց փոքր ինչ անց) ակումբը դուրս է գալիս նոր ասպարեզ. ակումբի նոր մարադաշտ է դառնում Հայբերին, տեղակայված Լոնդոնի հյուսիսում(Հայբերին Արսենալի մարզադաշտ է եղել մինչև 2006 թ.-ը, երբ Արսենալի նոր մարզադաշտ է դառնում 60 հազար հանդիսատես զբաղեցնող Էմիրեյթսը):1914 թ.-ին հանվում է ակումբի անվան «Վուլվիչ» մասը:
