«Արսենալի» նախկին ավագ Թոնի Ադամսը կիսապաշտպան Ջեք Ուիլշերից մեծ ակնկալիքներ ունի: Նախորդ մրցաշրջանում 22-ամյա Ուիլշերը մասնակցել է Անգլիայի առաջնության 24 խաղի, խփել է 3 գոլ և կատարել է 4 գոլային փոխանցում:

«Ուիլշերը պետք է ավելի մեծ ձգտում և պրոֆեսիոնալիզմ ցուցաբերի: Պոտենցիալը չօգտագործելու և մեկ ակնթարթում ամբողջ կարիերան փակուղու տանելու վտանգ կա:

«Արսենալը» գնեց Մեսութ Օզիլի տրանսֆերն` արդեն իսկ ունենալով նրա ընդունակությունների տեր ֆուտբոլիստների: Ուիլշերը պետք է դա որպես անձնական վիրավորանք ընկալեր: Նա պետք է սթափվի և խաղա` կրակը աչքերում»,-Ադամսի խոսքը մեջբերված է «The Sun»-ից: