Լոնդոնի «Արսենալի» ֆրանսիացի գլխավոր մարզիչ Արսեն Վենգերն այլեւս չի մեկնաբանի ֆուտբոլային հանդիպումներ ֆրանսիական TF1 հեռուստաալիքի եթերում: Հեռուստաընկերությունը չի ցանկացել երկարաձգել պայմանագիրը մասնագետի հետ, հաղորդում է Daily Mail-ը: Վենգերն այդ հեռուստաընկերության եթերում արդեն տասը տարի մեկնաբանում էր Ֆրանսիայի հավաքականի հանդիպումները: Որոշ աղբյուրներ նշում են, որ Վենգերին զարմացրել է այդ որոշումը, որոշ լրատվամիջոցներ էլ նշում են, որ երկու կողմերն էլ չեն ցանկացել շարունակել համագործակցությունը:

Սեպտեմբերի 4-ին «Ստադ դը Ֆրանսում» կայացած Ֆրանսիա - Իսպանիա (1:0) հանդիպմանը Վենգերը ներկա չի եղել: Մարզիչը TF1-ի համար մեկնաբանել է Բրազիլիայում կայացած աշխարհի առաջնության հանդիպումները: