«101greatgoals»-ը առաջարկում է հիշել «Արսենալի» երիտասարդական թիմի կիսապաշտպան Դեն Կրովլիի անունը, ով տպավորիչ խաղ է ցուցադրում լոնդոնյան ակումբում եւ Անգլիայի Մ17 տարեկանների հավաքականում:

Կրովլին, ում խաղը մասնագետները նմանեցնում են Ջեկ Ուիլշերի խաղին, 2013 թվականին «Աստոն Վիլայից» է տեղափոխվել «Արսենալ» եւ օգոստոսի սկզբին առաջին պրոֆեսիոնալ պայմանագիրն է կնքել:

«Արսենալի» Մ21 թիմը 4:2 հաշվով հաղթել է «Վեստ Բրոմվիչի» նույն տարիքային թիմին: Մեկ այլ հեռանկարային խաղացող՝ Չուբա Ակոմբը հետ-տրիկ հեղինակ է դարձել, իսկ 3-րդ րոպեին հաշիվը բացել է 17-ամյա Կրովլին՝ հրաշալի իրացնելով տուգանային հարվածը:

Ստորեւ կարող եք դիտել նաեւ անցած տարի «ScoutReport»-ի պատրաստած տեսանյութը՝ կազմված Կրովլիի խաղային ուշագրավ դրվագներից: