Միանգամից մի քանի անգլիական ակումբներ հետաքրքրված են գերմանացի հարձակվող Մարկո Ռոյսի ծառայություններով: Դրա մասին տեղեկացնում են բրիտանական ԶԼՄ-ները:

«Daily Star»-ի տեղեկությունների համաձայն՝ Մարկո Ռոյսը հետաձգում է «Բորուսիայի» հետ նոր պայմանագիր կնքելու բանակցությունները մինչեւ մրցաշրջանի ավարտ: Միեւնույն ժամանակ նա դժգոհ է այն փաստից, որ ակումբը վաճառում է իր առաջատար ֆուտբոլիստներին՝ Մարիո Գյոտցեին եւ Ռոբերտ Լեւանդովսկիին:

Բացի այդ, համաձայն պայմանագրի պայմանների՝ ներկայիս մրցաշրջանի ավարտից հետո Ռոյսի հետ պայմանագիրը խզելու հրաժարագինը կազմելու է 20 միլիոն ֆունտ: Այս հանգամանքը հաշվի առնելով՝ միանգամից երեք անգլիական ակումբներ հետաքրքրություն են ցուցաբերում ֆուտբոլիստի նկատմամբ՝ դա «Արսենալը», «Լիվերպուլը» եւ «Մանչեսթեր Յունայթեդն» են:

Այս մրցաշրջանում 25-ամյա Ռոյսը «Բորուսիայի» կազմում անցկացրել է երեք խաղ եւ դարձել մեկ գոլի հեղինակ: