Գերմանիայի ազգային հավաքականի եւ անգլիական «Արսենալի» հարձակվող Լուկաս Պոդոլսկին այլեւս չի մտնում լոնդոնյան ակումբի ծրագրերի մեջ:

Ինչպես հայտնում է բրիտանական GOAL.com-ը, 29-ամյա ֆուտբոլիստն արդեն այս ամառ կարող է հեռանալ ակումբից: Ակումբում վերջինիս չեն խոչընդոտի այս հարցում:

Պոդոլսկին առաջարկներ ունի գերմանական եւ թուրքական ակումբներից: «Զինագործները» պատրաստ են քննարկել այդ ակումբների կողմից արվող առաջարկները: «Արսենալը» ցանկանում է 11 մլն եվրո ստանալ Պոդոլսկիի տրանսֆերի դիմաց:

Պոդոլսկին «Արսենալ» է տեղափոխվել 2012 թվականին՝ «Քյոլնից»: Անցկացնելով 69 հանդիպում՝ հարձակվողը  28 գոլ է խփել: