Բրիտանական մամուլում շրջանառվող լուրերի համաձայն` Լոնդոնի «Արսենալի» և Մադրիդի «Ռեալի» ղեկավարությունները համաձայնություն են ձեռք բերել կիսապաշտպան Սամի Խեդիրայի տրանֆերի վաճառքի վերաբերյալ:

Խեդիրան կհամալրի «զինագործների» շարքերը ձմեռային տրանսֆերային պատուհանի ժամանակ: Նրա տրանսֆերի դիմաց «Ռեալը» կստանա 11 մլն ֆունտ սթերլինգ: Հիշեցնենք, որ Սամի Խեդիրայի` «Ռեալի» ղեկավարության հետ պայմանագրի ժամկետը լրանում է 2015 թվականի ամռանը, ֆուտբոլիստը հրաժարվել է նոր պայմանագիր կնքել, իսկ «Ռեալի» ղեկավարությունը որոշել է նրան վաճառել ձմռանը, որպեսզի «չկորցնի» անվճար հիմունքներով:

Սամի Խեդիրան «Ռեալ» է տեղափոխվել 2010 թվականին, դարձել է Իսպանիայի չեմպիոն, Իսպանիայի գավաթակիր և Չեմպիոնների լիգայի հաղթող: