«Արսենալի» հարձակվող Օլիվյե Ժիրուն լավատեսությամբ է սպասում 2014-15թթ. մրցաշրջանին: Ֆրանսիացի հարձակվողը նաև նշել է, որ «քաղաքաբնակների» դարպասը խփած գոլն այնքան էլ պատահականության արդյունք չէր:

-Զգացի, որ այդ դրվագում կարող եմ գոլ խփել և խփեցի: Մի փոքր բախտս բերեց, բայց արեցի այն, ինչ պարտավոր էի անել: Մի քանի շաբաթ առաջ ենք սկսել նախապատրաստվել նոր մրցաշրջանին, և ես ցանկանում եմ ընդգծել, որ հասել ենք խաղային փոխհամաձայնեցվածության, հատկապես նորեկների հետ: Կարծում եմ` առաջիկա մրցաշրջանում մենք ուժեղ կլինենք: Թիմն ավելի ու ավելի լավն է դառնում,-Ժիրուի խոսքը մեջբերված է «BBC»-ից: