«Մանչեսթեր Յունայթեդի» պաշտպան Ֆիլ Ջոնսը խոստովանել է, որ կկարոտի Դենի Ուելբեքի կողքին խաղալու ժամանակները:

«Նա հիանալի խաղացող էր «Մանչեսթեր Յունայթեդի» համար,  և ցավում եմ, որ հեռացավ: Ես նրան լավագույնն եմ մաղթում: Նա լավ ընկեր և հիանալի խաղացող է, և նա լավ համալրում է «Արսենալի» համար»,-Ջոնսի խոսքերն է մեջբերում «Sportsmole.co.uk»-ը:

Դենի Ուելբեքը «Մանչեսթեր Յունայթեդից» «Արսենալ» է տեղափոխվել տրանսֆերային պատուհանի վերջին օրը: Նա որոշել է հեռանալ այն բանից հետո, երբ պարզ է դարձել, որ մանկունյանցիները վարձավճարով ձեռք են բերել կոլումբիացի հարձակվող Ռադամել Ֆալկաոյին: