Դորտմունդյան «Բորուսիայի» գլխավոր մարզիչ Յուրգեն Կլոպն իր կարծիքն է արտահայտել «Արսենալի» դեմ սպասվելիք խաղի մասին.

-«Արսենալը» շատ նորեկներ ունի: Նրանք անհամեմատ ուժեղ են դարձել՝ ձեռք բերելով Ալեքսիս Սանչեսին եւ Դենի Ուելբեկին: Արսենալը, իրոք, լավ է աշխատել տրանսֆերային շուկայում: Այդ թիմը կայունություն ունի, նրանք հիմա պաշտպանությունից էլ կարող են խաղալ: Կիսապաշտպանությունն էլ է նրանց մոտ շատ ամուր: Եթե նախորդ մրցաշրջանում դուք տեսել եք մեր խաղը «Արսենալի» հետ, ապա դուք նկատած կլինեք, որ լոնդոնցիները լավ են նահանջում եւ արագ հարձակման են անցնում: Չնայած մենք այդ խաղը չենք էլ հիշում: Հետեւություններ անում ենք Պրեմիեր լիգայում «Արսենալի» վերջին խաղերից:

Չեմպիոնների լիգան սկսվում է եւ մեկնարկը մեզ համար հեշտ չի լինի: Ցանկալի կլիներ առավել ագրեսիվ խաղալ: Պետք է կենտրոնանալ կարեւոր կետերի վրա, որոնք կարեւոր են ֆուտբոլ խաղալու համար: Մարտավարական առումով պետք է գրագետ խաղալ, որպեսզի մրցակիցը չկարողանա իր ֆուտբոլը խաղալ: Դե հետո էլ մենք պետք է օգտագործենք մեր հաղթաթղթերը: Մի խոսքով, մեզ դժվար աշխատանք է սպասվում,- Կլոպի խոսքերն է մեջբերում ՈւԵՖԱ-ի պաշտոնական կայքը: