Արգենտինայի հավաքականի և կատալոնական «Բարսելոնայի» հարձակվող, Ոսկե Գնդակի քառակի դափնեկիր Լիոնել Մեսսին մինչև կատալոնական ակումբի հետ նոր պայմանագիր կնքելը դիտարկել է «Արսենալ» տեղափոխվելու տարբերակը:

«Ոսկե գնդակի» քառակի դափնեկիրն այդ հարցով հետաքրքրվել է «Բարսելոնայում» իր արդեն նախկին թիմակից և «Արսենալի» նախկին խաղացող Սեսկ Ֆաբրեգասից: 
Նշվում է, որ Մեսսին ցանկացել է ստանալ շաբաթական 300 հազար ֆունտ ստերլինգ աշխատավարձ:
Հիշեցնենք, որ այս ամենը եղել է «Բարսելոնայի» հետ պայմանագիր կնքելուց առաջ:

Պայմանագիրը Լեոն կնքել է մայիսի 19-ին` դառնալով աշխարհի ամենաբարձր վարձատրվող ֆուտբոլիստը: Այժմ նա ստանում է տարեկան 20 միլիոն եվրո աշխատավարձ: