«Մանչեսթեր Յունայթեդի» գլխավոր մարզիչ Լուի վան Գալը բացատրել է, թե ինչու է որոշել «Արսենալին» վաճառել հարձակվող Դենի Ուելբեքի տրանսֆերը։ Ավելի վաղ ակումբի նման որոշումը քննադատել էին թիմի նախկին ֆուտբոլիստներն ու մի շարք այլ մասնագետներ։

«Ռադամել Ֆալկաոյին վարձակալելուց առաջ մենք խոսել ենք Ուելբեքի և Խավիեր Էրնանդեսի հետ, ում արդյունքում վարձավճարով տվեցինք «Ռեալին»։ Ես յուրաքանչյուր ֆուտբոլիստի հնարավորություն եմ տվել ինձ համոզել իր կարողությունների մեջ։ Ուելբեքը շատ վաղուց էր գտնվում «Յունայթեդի» համակարգում։ Նա «Սանդերլենդում» ելույթ ունենալուց հետո երեք տարի այստեղ է խաղացել, բայց իր արդյունավետությամբ նույնիսկ չի մոտեցել Ռոբին վան Պերսիի և Ուեյն Ռունիի ցուցանիշներին։ Իսկ նրանց ցուցանիշները մեզ համար չափանիշ են. այդ պատճառով մենք բաց թողեցինք Ուելբեքին։

Միաժամանակ, նշեմ, որ ոչ միայն Ֆալկաոն, այլ նաև մեր երիտասարդ խաղացողներն են իրենց դրսևորելու հնարավարություններ ստանալու»,– հայտարարել է հոլանդացի մասնագետը։