Լոնդոնի «Արսենալի» գլխավոր մարզիչ Արսեն Վենգերը խոսել է Անգլիայի Պրեմիեր լիգայի 4-րդ տուրի՝ «Աստոն Վիլայի» դեմ կայացած մրցավեճի մասին, որտեղ իր սաները խոշոր հաշվով հաղթանակ են տոնել (3:0):

«Այս հաղթանակը պատասխան էր, որը թիմին անհրաժեշտ էր երեքշաբթի օրը կայացած խաղում պարտություն կրելուց հետո:

«Աստոն Վիլան» բավականին լավ սկսեց հանդիպումը: Նրանք մեկ-երկու վտանգավոր պահ ունեցան, բայց դրանից հետո, մենք վերահսկեցինք խաղի ընթացքը և 3 գոլ խփեցինք՝ երեք րոպեների ընթացքում:

Սա համոզիչ հաղթանակ էր: Գոլերի հեղինակ դարձան՝ Ուելբեկը և Օզիլը, ինչը նույնպես շատ կարևոր է», - Վենգերի խոսքերն է մեջբերել «Զինագործների» պաշտոնական կայքը: