«Արսենալի» գլխավոր մարզիչ Արսեն Վենգերը խոսել է Անգլիայի առաջնության երկրորդ տուրի` «Էվերթոնի» հետ արտագնա խաղից ունեցած ակնկալիքներից: Նշենք, որ մախորդ մրցաշրջանում «Գուդիսոն Պարկում» «զինագործները» 3 գոլ բաց թողեցին և չկարողացան ոչնչով պատասխանել:

-Ֆուտբոլային թիմն առաջին հերթին կյանք է, իսկ կյանքը շարժում է: Սա նշանակում է, որ թիմը կանգ չի առնում, առաջ է շարժվում և զարգանում է: Մենք շատ երիտասարդ ֆուտբոլիսներ ունենք, դրա համար տարեցտարի թիմն ավելի լավն է դառնում: Թիմի զարգացումը նկատելի էր դեռևս նախորդ մրցաշրջանում:

Շաբաթ օրը հնարավորություն ունենք ցույց տալու, որ նախորդ տարվա հետ համեմատած ավելի ուժեղ ենք: Նախորդ անգամ «Էվերթոնն» արժանի էր հաղթանակի: Մեր բախտն այն ժամանակ չբերեց: Այժմ «Էվերթոնը» հավակնում է մասնակցել Չեմպիոնների լիգային, այնպես որ` հետաքրքիր կլինի: Մեզ համար հիանալի փորձություն է լինելու,-ասել է Վենգերը: