Արսենալի» գլխավոր մարզիչ Արսեն Վենգերը տպավորված է Անգլիայի առաջնությունում Դիեգո Կոստայի ցուցադրած խաղով:

Նշենք, որ Անգլիա տեղափոխվելուց հետո Իսպանիայի հավաքականի հարձակվողը «Չելսիի» կազմում արդեն ութ գոլի հեղինակ է դարձել՝ ներառյալ «Սուոնսիի» դարպասը խփած հեթ-տրիկը:

-Երբեք այդքան արագ հարմարվող խաղացողի չեմ տեսել: Նա կենտրոնացած է, միշտ վճռական է տրամադրված եւ պատրաստ է պայքարի: Նրա կողքին ֆուտբոլիստներ կան, ովքեր պատրաստ են նրան «սնուցել»՝ Ֆաբրեգասը եւ Էդեն Ազարը: Նրանք կարող են իրեն արդյունավետ փոխանցումներ կատարել: Դրա հետ մեկտեղ՝ նա արդյունավետ ֆուտբոլիստ է: Զգացվում է, որ նա «մարդասպան» է: Հուսով եմ՝ կիրակի օրը կկարողանանք վնասազերծել նրան,- Վենգերի խոսքերն է մեջբերում «Արսենալի» պաշտոնական կայքը: