«Արսենալի» գլխավոր մարզիչ Արսեն Վենգերը մեկնաբանել է Անգլիական լիգայի գավաթի խաղարկության 1/16 փուլում «Սաութհեմփթոնից» կրած պարտությունը (1:2).

-Պաշտպանության գծում մեզ չբավարարեց փորձառությունը: Շատ լավ էինք աշխատում, բայց ցավոք չկարողացանք գոլ խփել երկրորդ խաղակեսում: Այո, մենք պաշտպանությունում լուրջ խնդիրներ ունենք վնասվածք ունեցող ֆուտբոլիստների պատճառով: Գիբսն ու Մերտեսակերը բացակա էին ու արդյունքում մենք այլ ընտրություն չունեինք: 

Չեմ կարծում, որ պարտության մեղքը պետք է բարդել երիտասարդ պաշտպանների վրա: Լավ սկսեցինք խաղը, բայց հետո երկու անիմաստ սխալ թույլ տվեցինք: Պետք է արժանին մատուցել մրցակցին,-ասել է Վենգերը: