«Արսենալի» գլխավոր մարզիչ Արսեն Վենգերը նշել է, որ Անգլիայի` 2014-15թթ. առաջնության մեկնարկային տուրի` «Քրիսթալ Փելասի» դեմ խաղից առաջ կիսապաշտպան Ջեք Ուիլշերը հիվանդ է եղել: Հանդիպման ժամանակ Ուիլշերը չտպավորեց, փոխարինվեց, իսկ խաղից հետո բրիտանական պարբերականները քննադատեցին նրա գործողությունները:

-Վերջին օրերին Ուիլշերը հիվանդ էր, և ես զգում էի, որ նա բավականաչափ պատրաստ չէ պայքարին: Բացի այդ` ունեի այլընտրանք: Ուիլշերին ժամանակ է հարկավոր: Ինձ համար ավելի կարևոր է այն, որ նա առողջական խնդիրներ չունենա: Շաբաթ առ շաբաթ նա ավելի լավ է հանդես գալիս,-ֆրանսիացի մասնագետի խոսքը մեջբերել է «Goal.com»-ը: