«Արսենալի» գլխավոր մարզիչ Արսեն Վենգերը խոսել է թիմի կիսապաշտպան Ջեք Ուիլշերի ցուցադրած խաղի մասին՝ անդրադառնալով իր հասցեին Փոլ Սքոուլզի հնչեցրած քննադատությանը։

-Քննադատությանը պետք է դաշտում պատասխանել։ Ուիլշերն այդպես էլ արեց։ Ճիշտ է, ես կասկածներ ունեմ, թե նրա լավ խաղի պատճառը պետք է փնտրել Փոլ Սքոուլզի  խոսքերում։

Երբ դու հանրային գործունեություն ես ծավալում, ստիպված ես լինում բախվել քննադատության։ Պետք է ընդունել այն, իսկ հետո դուրս գալ դաշտ ու ապացուցել, որ դու իրոք տաղանդ ունես։

Ուիլշերը «Ման. Սիթիի» դեմ խաղում վտանգավոր էր, նորից բարձր տեմպով էր գործում։ Նա միշտ հարձակման գծում է վտանգավոր եղել, դրա համար էլ եղ ուզում եմ, որ նա ավելի լավ հանդես գա։ Ընդ որում, դեմ չեմ լինի նաև, որ նա պաշտպանությանը մասնակցի, այդ գործում էլ է նա ուժեղ,-ասել է Վենգերը։